2008年1月12日 星期六

Smartone的古怪預付卡業務

近排喺香港公幹,為咗節省電話費,但又唔想出台(點出台,成日飛,住酒店多過住屋企),買咗張儲值卡。喺公司附近發現有街霸推廣數碼通(0315.HK)嘅儲值卡,睇落通話費又好抵,咁買咗張嚟用。

咁用用吓,當然會無晒錢,喺網上增值嘅密碼又唔記得咗,咁就打算落街買,喺某日嘅深宵時份,響西環我住嘅酒店附近,就周圍搵增值券嚟買。

但結果真係膠到無朋友,便利店間間都有得賣,就係無數碼通,連有e票聯嘅網吧、機鋪,都無數碼通嘅增值券賣嘅,而有得賣嘅報攤,喺深夜時分梗係關咗門,最後我放棄,我買咗張PCCW嘅頂檔算數,好過俾香港嘅硬膠酒店劏你本地電話$4一個call。

你又請人promote你張預付卡,但增值券嘅銷售網又差成咁,究竟你數碼通班管理層想點,佢地嘅硬膠管理真係令股民好不安。

沒有留言: