膠到無朋友的皇室堡Pacific Coffee

我有時都覺得自己有啲犯賤，竟然返到嚟香港，又幫襯Pacific Coffee，結果就谷氣到飛起。

今日返到嚟香港，喺皇室堡的Pacific Coffee等人，咁朋友遲到，我又想等到朋友齊人至買嘢飲，咪玩住我部Macbook先。點知有位著住黑衫，叫Raymond嘅經理，非常唔客氣咁，不斷要我買嘢飲，我覺得呢種係乜服務態度嚟，我就等齊朋友。

之後Raymond越嚟越得寸進尺，我就決定當眾喺佢面對入Pacific Coffee網頁，打投訴信，條友厚顏到由後面睇我打乜，之後條友用好差的表情不斷響我左右行動，我就用我嘅iPhone發SMS俾朋友改地點，然後鬧爆成間Pacific Coffee嘅staff揚長而去。

呢啲係乜服務態度嚟，我俾三十蚊買杯咖啡飲啲咁嘅服務態度？你估我會唔會？當我傻㗎。講句真，英資嘅Starbuck贏佢幾條街，原因好清楚。